الصحفي الأمريكي بلال عبد الكريم يجري لقاء مع زوجة الإعلامي أحمد رحال حيث تروي تفاصيل اعتقاله من القوة الأمنية في هيئة تحرير الشام.
شهادة زوجة أحمد في مقابلة مع الإعلامي بلال عبد الكريم .
زوجت أحمد : أنا زوجة الإعلامي أحمد رحال
كنت في البيت أنا وزوجي عند الظهر تقريبًا أندق الباب علينا، زوجي رد قال مين، رد عليه واحد قلو الميتور التحت ألك بس كرمال تبعدلي ياه، زوجي هون أجا ليفتح الباب أنا كنت واقفة وراه ، فجأة هو وعم يفتح الباب ما شفت إلا أربع زلم ملثمين دخلوا صار هنن وأحمد، أحمد يدفشن وهنن يدفشوه، هون أنا صرت عيط أنو قلون طلعوا وصرت عيط كمان وبعدين هون صارواريقلولي سكتي وطي صوتك، بعدين سحبوا أحمد وطلعوا لبره، هون بعد ما سحبوا أحمد وطلعوا لبره سكروا الباب صاروا يقولولي يقولولي تغطي ولبسي وبعدين فتحينا الباب نحن من أمنية هيئة تحرير الشام، هون أنا رحت لبست وأجيت فورًا لفتحتلون الباب، ودخلوا هنن فات زلمة مع أحمد هو ألون بدي بدي غير ملابسي، وقت فات معو ما خلوني فوت أنا فات هو ومعو شخصين عالغرفة وأنا ضليت برا واقفة أحكي معاهون ألون أنو كيف هيك بتفوتوا عالبيت كيف هيك ما بتحترموا الدين هيك بقلكون كيف هيك بتكشفوا حرمة البيت، هون صار يقولوا نحن الأمنية، صرت قلون يعني وإذا الأمنية ومن هالحكي، هون طلع أحمد، هون صار يسألوني عن غراض أحمد بدون لابتوب بدون الكميرا بدون الموبايل، أجا الأمني صار يقلي أنو بدو اللابتوب، قمت قلتلو اللبتوب يعني فيو شغلات خصوصية ألي كيف بدك تاخدو، كان في شنته على المخدة قام أجا هو هجم هيك وسحبها وحمل حالوا وطلع، وبعدين هون صار بدون الموبايل من أحمد وصاروا يحكوا هنن وأحمد بعدين سحبوه وطلعوا .
الصحفي بلال وجه سؤال : سؤال أخير ما مشاعرك في وقت الحالة؟ ماذا تشعرين .
الأخت : أنا كتير كتير يعني شعرت بخوف أول شي فوتتون عالبيت كيف فاتوا وهنن ملثمين يعني هنن كان لازم داقين الباب وقايلين أنو نحن الهيئة، كرمال نحن نعرف إذا في حريم تتستر أنا خفت كتير ما عرفت هنن هيئة هنن عصابة هنن خاطفين ويعني أنا قلتلون أنو الخوف ألي سببتولي ياه كتير كان كبير وحكيت عن كل شعوري بالخوف .
| الصحفي الأمريكي بلال عبد الكريم لقاء مع زوجة الإعلامي أحمد رحال تروي تفاصيل اعتقاله من قبل تحرير الشام |
كي لا تغرق السفينة